«Վերլուծելով Հայաստանի անվտանգային ճարտարապետությունը» խորագիրը կրող պանելային քննարկում

Ս.թ. սեպտեմբերի 18-ին՝ Համաշխարհային հայկական գագաթաժողով 2024-ի շրջանակներում, ԿԳԱՃ նախագահ Արմինե Մարգարյանը, որպես մոդերատոր, վարել է «Վերլուծելով Հայաստանի անվտանգային ճարտարապետությունը» խորագիրը կրող պանելային քննարկումը:

Պանելի բանախոսներն էին`

ՀՀ անվտանգության խորհրդի քարտուղար Արմեն Գրիգորյանը,

ՀՀ Ազգային ժողովի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը,

Մասաչուսեթսի Սթոունհիլ քոլեջի Ռիչարդ Բ․ Ֆիննեգանի անվան քաղաքագիտության և միջազգային հարաբերությունների պատվավոր պրոֆեսոր Աննա Օհանյանը,

Քաղաքագիտության պրոֆեսոր, Լաս Վեգասի Նևադայի համալսարանի քաղաքագիտության ամբիոնի դասախոս Ներսես Կոպալյանը,

ՀՀ ԳԱԱ պատվավոր դոկտոր, քարտեզագետ Ռուբեն Գալիչյանը:

Քննարկման առաջին հատվածում ԿԳԱՃ նախագահը հասցեագրել է ՀՀ անվտանգային ճարտարապետությանը վերաբերող հարցերի լայն շրջանակ, և ակտիվ քննարկման ընթացքում բանախոսները ներկայացրել են Հայաստանի արտաքին և ներքին անվտանգային մարտահրավերների և հնարավոր լուծումների վերաբերյալ իրենց մասնագիտական կարծիքները: Հայաստանի առջև ծառացած խնդիրների վերաբերյալ գործադիր, օրենսդիր, գիտական և քաղհասարակության շրջանակների մեկնաբանությունների մեկտեղումը պանելի ընթացքում հիանալի հնարավորություն էր համապարփակ պատկերացում կազմել արդի քաղաքական իրողությունների և դրանց հետագա հնարավոր զարգացումների վերաբերյալ:

Տիկին Մարգարյանը պանելային քննարկման երկրորդ մասը շարունակել է հարցուպատասխանի ձևաչափով, որի ընթացքում ներկաները տասնյակ հարցեր են հղել բանախոսներին:

Պանելային քննարկման տեսագրությունը կարող եք դիտել ստորև