ԿԱՆԱՅՔ ԵՎ ԳԼՈԲԱԼ ԱՆՎՏԱՆԳԱՅԻՆ ՃԱՐՏԱՐԱՊԵՏՈւԹՅՈւՆԸ
(ԿԳԱՃ) 2023թ.-ին հիմնադրված և Երևանում տեղակայված ոչ քաղաքական, շահույթ չհետապնդող ոչ կառավարական կազմակերպություն է:
ԿԳԱՃ – ը միավորում է անհատների, ովքեր առանձնացնում են ժողովրդավարությունը, օրենքի գերակայությունը, մարդու իրավունքները, մարդկային անվտանգությունը, մարդկային արժանապատվությունը և գենդերային հավասարությունը ապագա գլոբալ անվտանգության ճարտարապետության հիմնական սկզբունքների շարքում և ընդգծում են միջազգային խաղաղության և անվտանգության ոլորտում կանանց դերակատարության և որոշումների կայացման լիազորությունների հետագա ամրապնդման անհրաժեշտությունը:
ՄԵՐ ՍԿԶԲՈւՆՔԵՐԸ
- Համագործակցային և գործընկերային հարաբերություններ
- Ժողովրդավարական կառավարում և Մարդու իրավունքներ
- Համապարփակ և նորարարական մոտեցում
- Արհեստավարժություն, գերազանցություն, ներառականություն ու հաշվետվողականություն
- Բազմազանության և հավասարության նկատմամբ հարգանք
- Կայունություն
ՄԵՐ ՏԵՍԼԱԿԱՆԸ
Մենք պատկերացնում ենք այնպիսի ապագա, որտեղ կանայք հնարավորություն կունենան հավասար և իմաստալից կերպով մասնակցել տարածաշրջանային, միջազգային խաղաղության և անվտանգության որոշումների պլանավորմանն ու կայացմանը՝ ի շահ հուսալի, կայուն և անխափան գլոբալ անվտանգության ճարտարապետության հաստատման:
ՄԵՐ ԱՌԱՔԵԼՈւԹՅՈւՆԸ
Մեր առաքելությունն է խթանել և ամրապնդել կանանց դերը և նրանց որոշումների կայացման լիազորությունները Հայաստանի Հանրապետության արտաքին և անվտանգային քաղաքականությունների ձևավորման ու կիրարկման, տարածաշրջանային և գլոբալ հակամարտությունների կանխարգելման, լուծման ու խաղաղաշինության գործընթացներում:
ԳՈՐԾՈւՆԵՈւԹՅԱՆ ՇՐՋԱՆԱԿ
ԽԱՂԱՂԱՇԻՆՈւԹՅՈւՆ
Խաղաղաշինությունը ներառում է նախաձեռնություններ և նախագծեր, որոնք ուղղված են խաղաղ միջնորդությանը, երկխոսություններին և խաղաղ գործընթացներին կանանց նշանակալի մասնակցության ապահովմանը, խաղաղության կին միջնորդների ցանցերի ընդլայնմանը և փորձի փոխանակմանը:
Թեմատիկ հետազոտություններ, քաղաքականությունների ձևավորմանը միտված առաջարկներ և իրազեկման գործողություններ
- Մենք բացահայտում ենք Հայաստանի Հանրապետության արտաքին քաղաքականության և անվտանգային համակարգի, տարածաշրջանային և գլոբալ անվտանգային ճարտարապետության առկա թերությունները, հնարավորություններն ու միտումները
- Մենք մշակում ենք անկախ, անաչառ, գիտելիքահեն և նորարարական առաջարկներ՝ միտված Հայաստանի Հանրապետության պետականության հարատևմանը, տարածաշրջանային և գլոբալ անվտանգության երկարակյաց, դիմացկուն և հուսալի ճարտարապետության ձևավորմանը:
«ԿԱՆԱՅՔ, ԽԱՂԱՂՈւԹՅՈւՆ ԵՎ ԱՆՎՏԱՆԳՈւԹՅՈւՆ» ՕՐԱԿԱՐԳ
Մենք խթանում ենք «Կանայք, խաղաղություն և անվտանգություն» օրակարգը ՝ մասնակցելով, մշակելով և իրականացնելով այնպիսի նպատակային նախաձեռնություններ և նախագծեր, որոնք ընդգրկում են չորս միջանցիկ ոլորտներ՝ կանանց մասնակցություն, կանանց և աղջիկների պաշտպանություն, հակամարտությունների կանխարգման միջոցառումներ, օժանդակություն և վերականգնում:
